Mostrando entradas con la etiqueta mobil. Mostrar todas las entradas
Mostrando entradas con la etiqueta mobil. Mostrar todas las entradas

martes, 28 de febrero de 2012

Vodafone presenta un redeseño das súas tarifas no #mwc12


Aproveitando o Mobile World Congress que estes días se está a celebrar en Barcelona e que podedes seguir en profundidade a través de Mallando no Android, Vodafone presentou un redeseño das súas tarifas por tallas, orientado a axudar aos seus clientes a controlar o consumo.

Os planes de prezos L e XL ven reducida a súa cota de 59,9 a 50 €/mes e de 99,9 a 70 e/mes respectivamente, conservando o número de minutos incluídos na mesma. 

En canto ás tarifas para falar e navegar os cambios son os seguintes:
  • Desde a talla @S todas inclúen sms ilimitados.
  • A tarifa @XL redúcese de 99,9 €/mes a 80 €/mes (1000 minutos, 1 GB de datos e sms ilimitados).
  • A tarifa @L pasa de 59,9 a 60 €/ms e pasa a incluír 750 minutos, 750 MB e sms ilimitados.
Finalmente Vodafone tamén incluíu dúas novas tarifas de 15 €/mes: XS e @XS8. A primeira inclúe 150 miutos para chamar a calquera destino, mentres que a segunda inclúe 200 sms, 100 MB de navegación e a posibilidade de chamar a 8 céntimos/minuto.

viernes, 24 de febrero de 2012

R rebaixa un 20% a cota do móbil cando non se ten permanencia #mobilR


R segue premiando aos clientes de móbilR. Se non hai moito anunciaban o desconto directo de 6 € no combo ao ter contratado calquer plan de móbil con Internet, agora introducen unha rebaixa do 20% na cota de móbil contratada para aqueles clientes que non teñan ningún tipo de permanencia por ter adquirido un terminal.

É dicir, se te cambiaches a móbilR sen coller un móbil ou se colleches móbil pero xa remataches o período de permanencia, tes dereito a este desconto. Será efectivo até que collamos outro terminal, momento no que se pasará a cobrar de novo a cota íntegra.

Comezará a aplicarse a partires do 1 de marzo e para activalo é preciso chamar ao 1449. 

miércoles, 15 de febrero de 2012

Tuenti saca a lingua e revoluciona as tarifas móbiles españolas



Hai uns cantos anos Vodafone lanzou unha campaña co lema Lembras? no que facía fincapé en como nos cambiou a vida coa telefonía móbil. Se esa campaña se volvera facer hoxe en día o "lembras" sería un Lembras cando pagamas 40 pesetas por minuto? 

Desde a chegada das OMV os prezos da telefonía móbil e dos datos móbiles reducíronse drásticamente, chegando a apenas 3 céntimos por minuto en moitos casos e tarifas de pouco máis de 10 € por 1 GB de datos móbiles.

Se pensabamos que esta guerra estaba para rematar estabamos trabucados, xa que hoxe Tuenti vén de poñer patas para arriba o mercado español co lanzamento dos seus novos produtos móbiles.


Para comezar cambia o seu nome comercial, que pasa de ser Tu a ser Tuenti Móvil, un movemento na liña de identificar dun xeito claro a marca de móbil coa rede social matriz da compañía telefónica low cost. Iso si, segue usando a rede móbil de Movistar, empresa á que maioritariamente pertence Tuenti.

Pero onde realmente está a revolución é nas súas novas tarifas e na integración coa rede social. En canto ás tarifas, a oferta segue sendo de cartón prepago sen consumo mínimo ou contrato de permanencia.

O prezo das chamadas pasa a ser de 3 céntimos/minuto, con 15 de establecemento de chamada, chamemos a quen chamemos e á hora que chamemos. Se ademais queremos navegar por Internet poderemos disfruar de 1 GB por 6 €/mes ou 3 GB por 15 €/mes, ou o que é o mesmo, a mellor tarifa até o de agora en Internet móbil no noso país.

Doutra banda, a integración coa rede social pasa a ser tal que poderemos chamar aos nosos amigos da rede que tamén teñan Tuenti Móvil sen necesidade de ter intercambiado os números de teléfono, é dicir, polo nome.

Que vos parecen estes cambios?

Máis info

miércoles, 8 de febrero de 2012

Importantes melloras en #mobilR a partires do 1 de marzo


R vén de anunciar interesantes novidades no que ten a ver co seu servizo de telefonía móbil, que serán aplicábeis desde o primeiro de marzo.

Así, todas as tarifas de datos verán dobrada a cantidade incluída, sen aumentar o prezo. É dicir, se por exemplo se ten contratada unha tarifa con 250 MB incluídos pasarase a ter 500 MB; unha vez consumidos, non se cobrará nada a maiores, senón que se reducirá a velocidade, como até o de agora.

Isto afecta a todas as tarifas agás á de 3 GB, que en vez de dobrar a súa capacidade pasa a 5 GB.

Pero ademais os cambios tamén chegan ás tarifas planas que inclúen voz e sms. Así, todas as tarifas planas dobran o número de sms incluídos e baixan os prezos dos excesos (os minutos ou sms que se consuman fóra do incluído na tarifa plana).

Deste xeito, o exceso de minutos pasa a valer 8 cént/min + IVE fronte os 19 que costaban antes e os sms cobraranse agora a 9 cént/sms + IVE fronte os 15 cént/sms que se usaba.

Con estes cambios R afiánzase como alternativa ao grande reinado dos operadores tradicionais con tarifas inferiores e mantendo a subvención de terminais.

jueves, 12 de enero de 2012

R renova a súa promoción "amigos R"


Está claro que nun mercado con tanta alternativa en canto a operadores, o que funciona é o boca a boca: non hai mellor publicidade ca un cliente contento que vaia falando marabillas do seu operador de telecomunicacións.

Por iso desde R veñen de reeditar a promoción amigos R, pero dándolle un enfoque diferente a como era até o de agora. A saber:
  • Os clientes de calquera Combo que conviden a un amigo a que contrate un Combo con R recibirán 50 € de desconto na cota do Combo, repartidas en 2 mensualidades de 25 €. O novo cliente de R tamén resulta beneficiado, aplicándoselle a promoción de benvida durante 2 facturas máis.
  • Os clientes de móbilR que conviden a alguén a facerse de móbilR recibirán 45 € de gratificación no consumo mínimo, repartido en 5 facturas a razón de 9 € de desconto por factura. O cliente recomendado recibirá 18 € de desconto, repartidas en 2 facturas a razón de 9 €/factura.
Esta promoción é exclusiva para a web. Podedes achar máis información neste enlace.

lunes, 9 de enero de 2012

Simyo e Pepephone melloran as súas tarifas de datos

Co tema do Nadal, Simyo aproveitou para mellorar o Internet móbil que ofrece na súas tarifas de 3 e 5 céntimos/minuto.


A Tarifa 3, que ten unha cota de 6,95 €/mes pasa a incluír 650 MB fronte os 500 que incluía até o de agora. As chamadas seguen a ser a 3 cént/min e os sms a 9 cént/sms, que se tarifica por riba dos 6,95 €.

Por outra banda, a Tarifa 5 pasa de 300 a 555 MB. Esta tarifa non dispón de cota esual, pero si de consumo mínimo de 6,99 €. Isto significa que o consumo de voz e sms comezará a tarificarse desde 0 €. Os minutos con esta tarifa saen a 5 cént/min e os sms a 9 cént/sms.


Pola súa banda, e como resposta a este movemento de Simyo, Pepephone tamén fixo cambios aumentando os datos incluídos na súa tarifa Ratoncito y Elefante, que pasa de incluír 501 a 651 MB, 150 MB máis. Esta tarifa ten unha cota de 6,90 €/mes e os minutos saen a 2,7 cént/min.

Lembremos que tanto Simyo como Pepephone son operadores móbiles virtuais. O primeiro funciona baixo a rede de Orange, mentres que o segundo coa de Vodafone.

martes, 27 de diciembre de 2011

R mellora as tarifas planas de móbil existentes e introduce novas #mobilR


R vén de anunciar novidades nas súas tarifas planas de móbil, así como tamén o lanzamento de novas opcións para tratar de cubrir todo o espectro de opcións desexadas polos seus clientes.

Deste xeito, a cousa queda do seguinte xeito:
  • Tarifa Plana 24h 750. Trátase dunha actualización da Tarifa Plana 24h 500, cuxo cambio é que agora inclúe 750 minutos para falar con calquera operador a calquera hora, no canto dos 500 anteriores, sen mudar de prezo. Segue incluíndo 100 sms e dúas posibilidades no que ten a ver coa cantidade de datos: 250 MB ou 1 GB, sendo a cota mensual de 49 ou 59 € segundo esta última escolla.
  • Tarifa Plana 24h 350. Esta é unha actualización da Tarifa Plana 24h 300, co mesmo cambio: auméntanse os minutos mensuais incluídos ao mesmo prezo. Esta tarifa inclúe ademais 50 sms e 250 MB ou 1 GB por 29 ou 39 €/mes, respectivamente.
  • Tarifa Plana 24h 150. Esta nova tarifa inclúe 150 minutos para falar as 24 horas, 50 sms e a posibilidade de escoller entre 250 MB ou 1 GB de datos, por 19 ou 29 €/mes.
  • Tarifa Plana 24h 1500. Finalmente, esta nova tarifa está pensada para os heavy users, xa que inclúe 1500 minutos, 250 sms e 1 GB de Internet móbil por 79 €/mes.
Sobre os prezos e límites que puxemos, hai que ter en conta que:
  • Os prezos indicados non inclúen o IVE.
  • Se se acada o límite de datos pódese seguir navegando, aínda que con redución de velocidade a 64 kbps.
  • O prezo das tarifas planas xa inclúe o establecemento de chamada. Os excesos de minutos páganse a 19 cént/min cun establecemento de 15 cént; o exceso de  sms a 15 cént/sms.
  • Todas estas tarifas, ao ter Internet, son compatíbeis co desconto de 6 €/mes se se ten contratado algún combo fixo.
A operadora galega dispón ademais doutras tarifas pensadas para o público que non quere Internet no móbil (tarifa Única) ou para os que queren Internet e un prezo por minuto de chamada reducido (tarifas mini+internet).

lunes, 28 de noviembre de 2011

Multitarxeta de datos e tarifas planas: as novidades de Yoigo no seu 5º aniversario


Yoigo vén de cumprir 5 anos e o celebra con novidades nas súas tarifas, adaptándose ao que xa estaban a ofrecer a meirande parte das compañías: ofrecer tarifas planas e incluír o servizo de multitarxeta de datos, para poder conectarnos a Internet desde diferentes dispositivos e un único contrato de datos.

Neste sentido, pagando 3 €/mes por cada tarxeta adicional poderemos compartir a conexión a Internet. Por exemplo, se se ten contratado Internet para llevar 35, que inclúe 5 GB de datos por 35 €/mes, poderíamos contratar até 2 tarxetas SIM adicional para outros dispositivos e compartir Internet (por exemplo unha para a tablet e outra para o pincho USB), pagando 3 €/mes por cada unha.

No que ten a ver coas tarifas planas, Yoigo presentou 3 nova tarifas:
  • La Plana del 20: por 20 €/mes, pódese disfrutar de 300 minutos para chamar a calquera operador a calquera hora, sen pagar establecementos. 
  • La Plana del 30: por 30 €/mes esta tarifa inclúe 360 minutos a calquera operador e hora e 360 MB de datos.
  • La Plana de 55: por 55 €/mes pódese disfrutar de 1200 minutos ao mes a calquera operador e 1,2 GB de datos.
En todos os casos, os minutos adicionais páganse a 12 céntimos, cun establecemento de 15 céntimos.

Todos os prezos amosados nesta entrada non inclúen o IVE, do 18%.

lunes, 10 de octubre de 2011

Aforra un chisco máis co Bono Amigo de MÁSmovil


Non estamos acostumados a que os operadores móbiles virtuais teñan bonos e produtos avanzados (agás os que están vencellados ás operadoras de cable), pois xa contan con prezos por minuto bastante competitivos.

Sen embargo MÁSmovil vén de cambiar as tornas presentando o Bono Amigo, que permite falar con outro MÁSmovil 100 minutos mensuais por unha cota de 5 € (2,50 € durante os 3 primeiros meses). Cun cálculo rápido veredes que o minuto sae a 0,05 € (0,025 durante a promo). Isto pode non parecer moito aforro tendo en conta que dispoñen de tarifas a 3 céntimos o minuto, pero si que o é porque o bono xa inclúe os establecementos de chamada (15 céntimos por chamada).

lunes, 3 de octubre de 2011

Ardilla 15, a nova tarifa de Orange


Orange vén de lanzar unha nova tarifa con nome de animal, Ardilla 15, orientada a un público que fai uso moderado de Internet e quere chamas a bo prezo. Así, cun consumo mínimo de 15 € e unha cota de 10 € (que computa para o consumo mínimo, non vai a maiores), teremos:
  • 150 MB para navegación a máxima velocidade (logo redúcese a 128 Kbps).
  • 150 sms a calquera destino.
  • Chamadas a 8 cént/min a calquera destino con establecemento de 15 céntimos.
Esta tarifa é compatíbel con outros módulos de aforro da operadora, como Mi Familia, Tarifa Plana Familia, Bonos SMS, Módulo Internacional e o Módulo Viaja y Habla.

viernes, 30 de septiembre de 2011

O meu móbil é 7... chega a evolución da numeración móbil


Xa se leva falando dende hai algún tempo da nova numeración de telefonía móbil. Non quere dicir isto que vaian mudar os nosos números de móbil actuais, senón que os novos poderán comezar por 7, debido a que se prevé que a serie do 6 remate dentro de non moito tempo.

Así, a partires de mañá, ao dar de alta unha nova liña pode que xa comece por 7, concretamente por 71, 72, 73 ou 74. E é que a Comisión do Mercado das Telecomunicacións repartiu entre os operadores 500.000 números en bloques de 100.000.

Nun primeiro momento Movistar dispón dos que comezan por 7170, Vodafone por 7171, Orange 7477 e 7478 e Yoigo os de 7227, aínda que coas altas cifras de portabilidades deste país axiña será imposíbel serguirlles a pista.

lunes, 5 de septiembre de 2011

MASmóvil lanza unha nova tarifa sen establecemento nin consumos


A operadora de baixo custo MASmóvil vén de lanzar unha nova tarifa pensada para aquelas persoas que adoitan facer chamadas curtas, xa que non ten establecemento de chamada (eses 15 céntimos habituais que nos cobran só por descolgar).

Os minutos con esta tarifa, de nome @SIN, sáennos a 8,8 céntimos e os sms a 8. Iso si, para poder difrutar dela é preciso contratar un bono de datos (dende 5 €).

viernes, 5 de agosto de 2011

R rebaixa o prezo do módulo favoritos


R vén de facer unha rebaixa do prezo das chamadas aos números do seu módulo favoritos pasando de 6 a 4 céntimos/minuto.

Este módulo, que ten un custe mensual de 3 €, permite escoller até 3 números para falar con eles a prezos máis económicos. Se os números escollidos son R (fixo ou móbil) as chamadas serán de balde, mentre que se son non-R serán 4 céntimos/minuto. Ademais, as mensaxes custan 9 céntimos/sms e todas as chamadas teñen establecemento de chamada (15 céntimos).

lunes, 1 de agosto de 2011

Tarifa Redonda de Carrefour Móvil. Para quen queira falar e navegar


Moito nos venden ultimamente as mal chamadas tarifas planas, é dicir, tarifas que por unha cota de "equis" euros ofrecen datos e minutos de voz. 

A última operadora en sumarse a este tipo de tarifas foi Carrefour Móvil, que vén de lanzar a tarifa Redonda. Con ela ofrécennos 400 minutos de voz mensuais (válidos para falar a calquera hora do día e sen custos de establecemento de chamada) e 300 MB de navegación (sen límite de cantidade, con baixada de velocidade ao chegar aos 300 MB).

Pola súa banda, os sms custarán 8 céntimos/mensaxe, case a metade do que custan con calquera operador de rede propia. Ademais, superados os 400 minutos de voz poderemos seguir falando a 8 cént/min con establecemento de chamada de 15 céntimos.

Todo ilo cunha cota mensual de 25 €, aos que hai que sumar o IVE. Carrefour Móvil é un OMV que usa a cobertura de Orange.

miércoles, 27 de julio de 2011

Vodafone regala 12 € de saldo por renovar o móbil en prepago


Non sempre son esquecidos. E é que os clientes de cartón prepago teñen moitas veces esa sensación de inferioridade, ao non ter tantos beneficios como os de contrato.

Por iso Vodafone fixo unha promoción para este verán orientada a este tipo de usuarios, poñendo ao seu dispór unha gama de terminais polos que poderán adquirir polo mesmo prezo que os novos clientes. Mais as vantaxes non quedan aí, porque recibirán un extra de 12 € de saldo nas súas tarxetas, que non vai asociado a ter que facer recargas nin nada: só por mudar de móbil.

Entre os terminais da lista están o Nokia 1800 (por 19 €), o Huawei G6620 (por 39 €) ou o Vodafone Smart, que é Androide (por 69 €)

martes, 26 de julio de 2011

Eroski Móvil xa ten tenda en liña


Dende hai uns días, Eroski Móvil ten operativa a súa tenda en liña dende a cal podemos facernos cunha tarxeta SIM para usar os servizos desta compañía de telefonía móbil.

Ademais, permite levar a cabo o proceso de portabilidade (cambio de operador) dende o mesmo sitio web, podendo elixir entre as modalidades de contrato ou cartón prepago.

No caso de contrato só abonaremos 0,01 € pola tarxeta SIM e 3,5 ou 14 € polo envío, dependendo de se eliximos que nos chegue por Correos ou por Nacex. No caso da tarxeta de cartón prepago teremos que abonar 15 € adicionais en concepto de primeira recarga.

Podedes entrar na tenda nesta ligazón.

viernes, 22 de julio de 2011

MÁSmovil: en verán, internet máis barato


MÁSmovil oferta para este verán o seu Internet móbil con rebaixas nas tarifas de navegación de 1 GB e nas de navegar e falar.

Así, quen contrate antes do 31 de xullo poderá gozar até setembro (incluído) por 8,90 € da tarifa de 1 GB, que custa habitualmente 14,90 €. A partires de ter acadado o volume máximo de datos tarifícanse os MB extra a 3 céntimos/MB.

Doutra banda, a tarifa total pasa a non ter cota durante os meses de verán (xullo, agosto e setembro), tamén para altas até o 31 de xullo. Esta tarifa adoita ter unha cota de 6,90 €/mes e inclúe 500 MB de datos e chamadas a 3 céntimos.

Se xa non quedan disculpas para estar conectados este verán...

miércoles, 20 de julio de 2011

Orange lanza Travel para falar e navegar máis barato no extranxeiro


Coa chegada do verán moita xente pensa en marchar uns días ao extranxeiro de viaxe... pero cando ve as tarifas, pensa que se vai cortar bastante de falar cos seus para aforrar un pouco. E xa non falemos dos datos, onde é posíbel ver tarifas de 5 € por 1 MB de conexión. Case nada...

Para permitir que os seus clientes aforren algo, Orange lanzou hai uns días Travel, un produto pensado para viaxar ao extranxeiro que ofrece chamadas ao 50% dende fóra de España e navegación co noso smartphone.

Trátase de dous servizos diferentes:
  • O 50% de desconto nas chamadas ten unha cota de 1€/día, que só se pagará no caso de falar. Así, as chamadas realizadas dende Europa custarán 0,175 €/min e as recibidas 0,095 €/min.
  • A navegación con smartphone custa 2,50 €/día e ofrece 10 MB de datos. Tamén se pagará só no día que se empregue.
A activación desta tarifa, Travel, é gratuíta e pódese facer enviando ALTA DIA ao 22095 ou chamando ao 470.

martes, 19 de julio de 2011

Yoigo ofrece Internet de balde durante o verán


Yoigo ofrece este verán unha solución de conexión en mobilidade, ofrencendo 500 MB/mes de balde que unha vez acabados reducen a velocidade até os 64 Kbps.

Iso si, esta promoción está dispoñíbel para navegar durante 2 meses gratuitamente e con USB de regalo. Iso si, pasados os dous meses de promoción hai que cumplir 16 meses de permanencia, pagando 8 €/mes.

Vía

lunes, 18 de julio de 2011

O Internet Everywhere de Orange por 5 € para clientes


Os clientes de ADSL de Orange e que son usuarios á vez de Internet móbil (pincho usb ou tablet) teñen motivos para aledarse, porque a compañía vén de lanzar unha oferta para eles.

Así, poderan contratar Internet Everywhere 10 por 5€/mes, que inclúe navegación ilimitada durante 10 días ao mes. Malia todo, existe a limitación de 100 MB/día. Unha vez acadada esa cantidade reducirase a velocidade até os 64 Kbps. 

De precisar conectarse máis días, poderíase facer pagando 2,97 €/día coa mesma cantidade de datos diaria.