Mostrando entradas con la etiqueta internet. Mostrar todas las entradas
Mostrando entradas con la etiqueta internet. Mostrar todas las entradas

miércoles, 15 de febrero de 2012

Tuenti saca a lingua e revoluciona as tarifas móbiles españolas



Hai uns cantos anos Vodafone lanzou unha campaña co lema Lembras? no que facía fincapé en como nos cambiou a vida coa telefonía móbil. Se esa campaña se volvera facer hoxe en día o "lembras" sería un Lembras cando pagamas 40 pesetas por minuto? 

Desde a chegada das OMV os prezos da telefonía móbil e dos datos móbiles reducíronse drásticamente, chegando a apenas 3 céntimos por minuto en moitos casos e tarifas de pouco máis de 10 € por 1 GB de datos móbiles.

Se pensabamos que esta guerra estaba para rematar estabamos trabucados, xa que hoxe Tuenti vén de poñer patas para arriba o mercado español co lanzamento dos seus novos produtos móbiles.


Para comezar cambia o seu nome comercial, que pasa de ser Tu a ser Tuenti Móvil, un movemento na liña de identificar dun xeito claro a marca de móbil coa rede social matriz da compañía telefónica low cost. Iso si, segue usando a rede móbil de Movistar, empresa á que maioritariamente pertence Tuenti.

Pero onde realmente está a revolución é nas súas novas tarifas e na integración coa rede social. En canto ás tarifas, a oferta segue sendo de cartón prepago sen consumo mínimo ou contrato de permanencia.

O prezo das chamadas pasa a ser de 3 céntimos/minuto, con 15 de establecemento de chamada, chamemos a quen chamemos e á hora que chamemos. Se ademais queremos navegar por Internet poderemos disfruar de 1 GB por 6 €/mes ou 3 GB por 15 €/mes, ou o que é o mesmo, a mellor tarifa até o de agora en Internet móbil no noso país.

Doutra banda, a integración coa rede social pasa a ser tal que poderemos chamar aos nosos amigos da rede que tamén teñan Tuenti Móvil sen necesidade de ter intercambiado os números de teléfono, é dicir, polo nome.

Que vos parecen estes cambios?

Máis info

miércoles, 8 de febrero de 2012

Importantes melloras en #mobilR a partires do 1 de marzo


R vén de anunciar interesantes novidades no que ten a ver co seu servizo de telefonía móbil, que serán aplicábeis desde o primeiro de marzo.

Así, todas as tarifas de datos verán dobrada a cantidade incluída, sen aumentar o prezo. É dicir, se por exemplo se ten contratada unha tarifa con 250 MB incluídos pasarase a ter 500 MB; unha vez consumidos, non se cobrará nada a maiores, senón que se reducirá a velocidade, como até o de agora.

Isto afecta a todas as tarifas agás á de 3 GB, que en vez de dobrar a súa capacidade pasa a 5 GB.

Pero ademais os cambios tamén chegan ás tarifas planas que inclúen voz e sms. Así, todas as tarifas planas dobran o número de sms incluídos e baixan os prezos dos excesos (os minutos ou sms que se consuman fóra do incluído na tarifa plana).

Deste xeito, o exceso de minutos pasa a valer 8 cént/min + IVE fronte os 19 que costaban antes e os sms cobraranse agora a 9 cént/sms + IVE fronte os 15 cént/sms que se usaba.

Con estes cambios R afiánzase como alternativa ao grande reinado dos operadores tradicionais con tarifas inferiores e mantendo a subvención de terminais.

lunes, 9 de enero de 2012

Simyo e Pepephone melloran as súas tarifas de datos

Co tema do Nadal, Simyo aproveitou para mellorar o Internet móbil que ofrece na súas tarifas de 3 e 5 céntimos/minuto.


A Tarifa 3, que ten unha cota de 6,95 €/mes pasa a incluír 650 MB fronte os 500 que incluía até o de agora. As chamadas seguen a ser a 3 cént/min e os sms a 9 cént/sms, que se tarifica por riba dos 6,95 €.

Por outra banda, a Tarifa 5 pasa de 300 a 555 MB. Esta tarifa non dispón de cota esual, pero si de consumo mínimo de 6,99 €. Isto significa que o consumo de voz e sms comezará a tarificarse desde 0 €. Os minutos con esta tarifa saen a 5 cént/min e os sms a 9 cént/sms.


Pola súa banda, e como resposta a este movemento de Simyo, Pepephone tamén fixo cambios aumentando os datos incluídos na súa tarifa Ratoncito y Elefante, que pasa de incluír 501 a 651 MB, 150 MB máis. Esta tarifa ten unha cota de 6,90 €/mes e os minutos saen a 2,7 cént/min.

Lembremos que tanto Simyo como Pepephone son operadores móbiles virtuais. O primeiro funciona baixo a rede de Orange, mentres que o segundo coa de Vodafone.

miércoles, 4 de enero de 2012

Ya.com ofrece 10 megas por 9,95 €/mes durante 6 meses


Seguindo con ofertas de ADSL agresivas, hoxe toca que falemos de Ya.com, que acaba de lanzar unha promoción para o seu ADSL de 10 megas pola cal se pagarían 9,95 €/mes durante 6 meses, tras os cales pasaríase a pagar 19,95 €/mes, ademais da cota de liña (15 €/mes), que se pagaría tanto no período promocional coma no estándar.

A promoción leva ligado un compromiso de permanencia de 12 meses e no caso de que no momento da contratación non se teña liña telefónica ou se dispoña de liña pero non con Movistar, habería que pagar 29,95 € extra en concepto de gastos de xestión.

A contratación só pode facerse en liña.

miércoles, 5 de octubre de 2011

Internet móbil de balde con Yoigo se te portas sen terminal (só en outubro)


Yoigo quere premiar aos clientes que se porten á compañía sen vencellar os seus contratos á adquisición dun terminal. Por iso, aquelas altas que se fagan dende o pasado día 3 e até o 31 de outubro terán para sempre 500 MB de Internet de balde, sempre e cando contraten a tarifa do 6.

Isto supón un aforro de 8 €/mes, que é o que custa o Bono 8 promocionado e que inclúe 500 MB a máxima velocidade con redución a 64 kbps ao acadar esa cota de datos.

lunes, 19 de septiembre de 2011

Tu xa ten plans de contrato


Tu, a operadora móbil de Tuenti, xa ten tarifas de contrato, con plans sinxelos de entender e con moitas vantaxes para chamadas e mensaxes entre membros da mesma operadora. Así distingue os plans segundo o prezo e segundo se colla a tarifa asociada a un terminal ou non.

Se collemos asociadao a terminal teremos as tarifas Plan 10, Plan 20, Plan 30 e Plan 40, por 10, 20, 30 ou 40 €/mes respectivamente.

Inclúen  o seguinte:
  • Plan 10: 3000 minutos e 3000 sms a outros Tu, chamadas ao reso a 15 cént/min e sms a 10 cént. Navegación ilimitada por Tuenti.com e resto por 8 cént/MB.
  • Plan 20: 3000 minutos e 3000 sms a outros Tu, 100 minutos e 100 sms a outros móbiles, navegación ilimitada por Tuenti.com e 100 MB (resto 8 cént/MB).
  • Plan 30: 3000 minutos e 3000 sms a outros Tu, 250 minutos e 100 sms a outros móbiles, navegación ilimitada por Tuenti.com e 250 MB (resto 8 cént/MB).
  • Plan 40: 3000 minutos e 3000 sms a outros Tu, 500 minutos e 100 sms a outros móbiles, navegación ilimitada por Tuenti.com e 500 MB (resto 8 cént/MB).
No caso de coller só SIM, sen terminal, existen 4 plans coas mesmas condicións que os anteriores pero que cambian o nome e o prezo: o equivalente ao Plan 10 sería Plan 5 por 5 €/mes... e así con todos: Plan 15 (15 €/mes), Plan 25 (25 €/mes) e Plan 35 (35 €/mes).

Cómpre sinalar que con ningunha chamada hai establecemento de chamada, xa sexa a Tu ou a outros operadores

De querer ter máis datos incluídos pódense coller bonos de Internet móbil de 250 MB (por 5 €/mes) ou de 500 (por 8 €/mes).

Doutra banda, a gama de terminais que existen na tenda de Tu é moi ampla, incluíndo moitos androides.


lunes, 12 de septiembre de 2011

Internet fixo máis barato con Movistar tendo móbil con eles


Co fin de reter clientes de ADSL, Movistar vén de facer unha rebaixa importante no prezo do mesmo a aqueles clientes que teñan tamén a telefonía móbil con eles.

Así, reducirase o prezo mensual de 40,90 a 24,90 €. Esta oferta é válida tanto para portabilidades como para clientes actuais. Poderase activar até o 30 de setembro, malia que terá caracter vitalicio para quen o faga.

jueves, 8 de septiembre de 2011

R relanza o Combo Estudantes


Un ano máis R pon en marcha o Combo Estudantes, un produto que como o seu propio nome indica está pensado para que os estudantes galegos poidan disfrutar de conexións a Internet de alta velocidade e cunhas condicións de permanencia e prezo diferentes aos clientes particulares.

Así, por 34,90 €/mes pódese disfrutar dunha conexión de fibra óptica de 10 Mbps e as vantaxes da liña fixa R: chamadas a fixos de balde, 300 minutos a móbiles R e 60 minutos extra ao resto de móbiles se se ten factura electrónica.

Ese prezo ten unha validez dun ano, a partires do cal pasaríase a cobrar 45,90 €/mes. De todos os xeitos o compromiso de permanencia é de 6 meses.

Este combo só se pode contratar até o 31 de outubro.

*Os prezos indicados non inclúen IVE.

martes, 6 de septiembre de 2011

Vodafone mellora a cobertura de voz e datos en Galicia


Vodafone vén de anunciar un importante esforzo na mellora da cobertura de voz e datos móbiles en Galicia, que verán os seus froitos a partires do 9 de setembro, cando se activen novas estacións base.

Esta nova infraestrutura achega acceso a poboacións de menos de 1000 habitantes que ficaban sen cobertura e, así mesmo, refórzase o acceso en zonas de estradas e na costa, levando telefonía móbil a lugares nos que non había cobertura. Ademais, reforzouse notabelmente a cobertura 3G e HSPA+ nos lugares nos que existe un maior volume de poboación.

Nesta primeira fase do proxecto de mellora da rede vense afectados máis de 300 núcleos de poboación do rural, moitos deles que xa contaban con cobertura de Vodafone 2G. Ademais, e en pararelo con estas actuacións, Vodafone está a mudar equipos e instalacións para adaptalos á futura instalación de LTE (4G).

Os clientes de móbilR e outros OMV's tamén notarán melloras

Os clientes de móbilR tamén notarán estas melloras porque a operadora de cable galega emprega a rede de Vodafone nos seus servizos móbiles, ao igual que outros operadores móbiles virtuais como Pepephone.

Promoción de benvida especial para clientes rurais.

Co obxetivo de captar clientes das novas zonas de cobertura, Vodafone ofrece unha promoción de benvida para os novos clientes, que inclúe descontos en factura e terminais. Para poder facerse con estas promocións é preciso chamar ao 607.100.100 indicando a oferta Plan Rural Vodafone ou achegarse a unha tenda autorizada.

lunes, 5 de septiembre de 2011

MASmóvil lanza unha nova tarifa sen establecemento nin consumos


A operadora de baixo custo MASmóvil vén de lanzar unha nova tarifa pensada para aquelas persoas que adoitan facer chamadas curtas, xa que non ten establecemento de chamada (eses 15 céntimos habituais que nos cobran só por descolgar).

Os minutos con esta tarifa, de nome @SIN, sáennos a 8,8 céntimos e os sms a 8. Iso si, para poder difrutar dela é preciso contratar un bono de datos (dende 5 €).

lunes, 1 de agosto de 2011

Tarifa Redonda de Carrefour Móvil. Para quen queira falar e navegar


Moito nos venden ultimamente as mal chamadas tarifas planas, é dicir, tarifas que por unha cota de "equis" euros ofrecen datos e minutos de voz. 

A última operadora en sumarse a este tipo de tarifas foi Carrefour Móvil, que vén de lanzar a tarifa Redonda. Con ela ofrécennos 400 minutos de voz mensuais (válidos para falar a calquera hora do día e sen custos de establecemento de chamada) e 300 MB de navegación (sen límite de cantidade, con baixada de velocidade ao chegar aos 300 MB).

Pola súa banda, os sms custarán 8 céntimos/mensaxe, case a metade do que custan con calquera operador de rede propia. Ademais, superados os 400 minutos de voz poderemos seguir falando a 8 cént/min con establecemento de chamada de 15 céntimos.

Todo ilo cunha cota mensual de 25 €, aos que hai que sumar o IVE. Carrefour Móvil é un OMV que usa a cobertura de Orange.

martes, 19 de julio de 2011

Yoigo ofrece Internet de balde durante o verán


Yoigo ofrece este verán unha solución de conexión en mobilidade, ofrencendo 500 MB/mes de balde que unha vez acabados reducen a velocidade até os 64 Kbps.

Iso si, esta promoción está dispoñíbel para navegar durante 2 meses gratuitamente e con USB de regalo. Iso si, pasados os dous meses de promoción hai que cumplir 16 meses de permanencia, pagando 8 €/mes.

Vía

lunes, 18 de julio de 2011

O Internet Everywhere de Orange por 5 € para clientes


Os clientes de ADSL de Orange e que son usuarios á vez de Internet móbil (pincho usb ou tablet) teñen motivos para aledarse, porque a compañía vén de lanzar unha oferta para eles.

Así, poderan contratar Internet Everywhere 10 por 5€/mes, que inclúe navegación ilimitada durante 10 días ao mes. Malia todo, existe a limitación de 100 MB/día. Unha vez acadada esa cantidade reducirase a velocidade até os 64 Kbps. 

De precisar conectarse máis días, poderíase facer pagando 2,97 €/día coa mesma cantidade de datos diaria.

viernes, 15 de julio de 2011

Orange lanza unha nova tarifa Delfín

Orange mellora a súa tarifa Delfín, pensada para aquela xente que quere navegar e falar. Así, os clientes que teñan contratada a tarifa Delfín 40 poderán disfrutar por 40 €/mes de 500 minutos para falar con calquera destino estatal fixo ou móbil (máximo 100 destinos diferentes) e 500 MB de datos/mes, momento a partires do cal se reduce a velocidade até os 128 Kbps

Se se supera o límite de minutos as chamadas pasan a ser de 18 cént/min con 15 céntimos de establecemento de chamada.

lunes, 4 de julio de 2011

SmartSIM: Comparte internet móbil con Orange


Orange vén de lanzar unha nova oferta que permite compartir a conexión a Internet móbil entre varios dispositivos para dar resposta ás necesidades de conexión multigadget dos seus clientes.

Deste xeito, cunha cota mensual de 3 €/mes, os clientes das tarifas Delfín poderán dispór dunha tarxeta SIM adicional para acceder a Internet dende unha tablet ou portátil, a través dun pincho USB.

Parello a isto, Orange lanza e bonos de Internet adicional, por se o consumo dos gadgets supera os datos que temos contratados inicialmente. Así, poderanse contratar bono Internet Extra 200 ou 500, que inclúen 200 MB ou 500 MB adicionais por 5 ou 8 €/mes adicionais, e poderanse activar/desactivar cantas veces queramos.

martes, 28 de junio de 2011

Vodafone saca plans de cartón prepago pensados para o verán

Vodafone quere que saiamos de vacacións levando Internet connosco, así que vén de preparar unha tarifa para ilo.

Así ofrece 3 novos packs de cartón prepago que inclúen 1 GB de datos para gastar en 3 meses, sen cotas nin compromisos. Así, os prezos dependerán do modem que escollamos ou se quremos unha base MiFi.




PREZO

DISPOSITIVO

VELOCIDADE

CAPACIDADE

VALIDEZ
PACK MODEM K3770
39€
MÓDEM K3770
7,2 / 2 Mbps


1 GB



3 MESES
PACK MODEM K3806
49€
MÓDEM K3806
14,4 / 5,7 Mbps
PACK MIFI R201
79€
MIFI R201
7,2 / 2 Mbps

jueves, 23 de junio de 2011

R lanza nova tarifa de datos: Internet Diario #mobilR


R vén de lanzar unha nova tarifa de datos para aqueles usuarios que fan un uso ocasional e que non lles compensa ter contratada unha tarifa mensual para conexións esporádicas. Chámase Internet Diario.

Por 1 € (IVE á parte) poderémonos conectar durante todo o día cantas veces queiramos (dende as 00:00 ás 23:59h), até un máximo de 100 MB/día. Unha vez acadado o volume total de datos redúcese a velocidade a 64 Kbps, que aínda que non dá para moito, para consultar o correo e Twitter no móbil chega.

A tarificación, como dixemos antes, é diaria: se un día te conectas pagas, se non, non. Ademais, cómpre sinalar que esta tarifa ten un límite mensual de 1 GB de datos consumidos (sumando todas as conexións).

Pero hai un último factor que fai que este plan sexa aínda máis interesante e é que non só é válido para conectarnos dende o noso móbil senón que tamén o podemos asociar a unha tarxeta SIM de datos de uso ocasional, sen que teñamos consumos asociados a ela. É dicir, se un mes non conectamos, non pagaremos nada nesa tarxeta.

miércoles, 22 de junio de 2011

Pepephone presenta a tarifa " Tarifa de la cobaya que se convierte en ratón, luego en súper ratón y luego en un animal asombroso que no sabemos cómo se llama pero que habla por 2 cent/min y navega 1GB por 6,9 €/mes"

Máis de 30 palabras fixeron falta desta vez a Pepephone para poñer nome á súa nova tarifa, que vai baixando o prezo da chamada co paso do tempo. Así temos o seguinte:
  • A tarifa base é de 3,5 cént/min e inclúe 400 MB de datos.
  • Pasados 60 minutos (suma de todas as chamadas), para as seguintes chamadas báixase o prezo a 3 cént/min, e súmanse 100 MB de datos (500 MB totais)
  • Pasados 120 minutos, as seguintes chamadas pasan a custar 2,5 cént/min, e súmanse 50 MB de datos (550 MB totais)
  • Pasados os 180 minutos, as chamadas serán a 2 cént/min, e súmanse 50 MB de datos (600 MB totais)
  • A partires dos 180 minutos, cada 60 minutos de voz extra sumará 50 MB de datos, até un máximo de 1 GB.
A tarifa ten unha cota de 6,90 € (polos datos) a partires de aí, o que gastemos. Soa interesante, aínda que un pouco complicado, non?


viernes, 17 de junio de 2011

Varios concellos de Ferrolterra contan xa con acceso ás redes de nova xeración.


R vén de anunciar que un total de 28.504 fogares e empresas da comarca de Ferrolterra dispoñen de acceso ás súas redes de nova xeración tras unha inversión de 21,6 millóns de euros dun total de 24 dispostos, que farán que se acade a cifra final de 34.000 fogares conectados.

A chegada destas redes supón una gran avanzo tecnolóxico, xa que traen consigo accesos de 100 megas o outros servizos de valor engadido como a televisión el alta definición ou o vídeo baixo demanda. Prevese ademais que esta rede sobra un novo avanzo no 2012 coa chegada dos 200 megas.

As zonas afectadas son as que seguen:
  • Narón, 16.455 fogares distribuídos no Feal, Freixeiro, Piñeros, O Ponto, Cerrallón, Alto do Castiñeiro, Domirón, Edreiro, Roibo, A Torre, Fonte da Cruz, A Solana, Vivendas da Mariña Santa Cecilia, A Gándara, A Gándara de Abaixo, A Gándara de Arriba, Ponte de Xubia e Finca de Dopico.
  • Fene, 4.145 fogares en Fene, Ameneiral, Perlío e San Valentín.
  • Neda, con 558 fogares.
  • Pontedeume, con 2.523 fogares.
  • Mugardos, con 1.493 fogares.
  • Ares, con 3.122 fogares.
  • Cedeira, con 3.689 fogares.
Con estas actuacións, R leva executadas as accións previstas en 75 dos 193 concellos afectados polo Plan de Banda Larga da Xunta de Galicia. Na meirande parte dos concellos restantes tamén se levarán a cabo actuacións de mellora/implantación da banda ?larga? por parte de Movistar,  cunha velocidade mínima de 2 megas.


jueves, 9 de junio de 2011

Nova Tarifa 10 de MÁSmovil

MÁSmovil volve a ser nova por lanzar unha interesante tarifa para aqueles heavy users de Internet nos smartphones e que ademais queren falar barato, a tarifa 10.

Esta tarifa inclúe por 10 €/mes 1GB de datos (excesos a 0,03 €/MB) e chamadas a 5 cént/minuto, iso si, cun consumo de voz doutros 10 €/mes. Polo tanto, como mínimo pagaríamos 20 €/mes.

O establecemento de chamada é de 15 céntimos e os sms a 8 cént/sms. MÁSmovil é un operador móbil virtual que emprega a cobertura de Orange